OBRADOIRO DE IMPROVISACIÓN ORAL - ENREGUÉIFATE

Velaquí vos deixamos uns fragmentos do obradoiro de improvisación oral no que participou o alumnado de 5.º e 6.º de Educación Primaria fai uns días. Este forma parte da oitava edición do Enreguéifate 🎵🎵

RECIBIMOS UNHA CARTA

Hoxe, o carteiro deixou para as nenas e nenos de 5.º de Educación Infantil unha carta 💌 De novo, era Landra a que lles escribía para propoñerlles un novo reto no que colaborarán coa aula de 4.º de Educación Primaria do CEIP Canosa-Rus, onde están a traballar sobre a aldea co proxecto "A nosa casa da aldea".

Cheos de ilusión, xa teñen unha nova misión para estes días: escribirlles unha carta!

OBRADOIRO DE REGUEIFA

Onte, o alumnado de 5.º e 6.º de Educación Primaria, tivo a oportunidade de participar nun obradoiro de regueifa que forma parte do programa Enreguéifate impulsado por diferentes concellos, entre eles o de Carballo.

A regueifa é algo propio da nosa comarca, especialmente na época dos nosos avós/avoas e bisavós/bisavoas. Afortunadamente, dende fai uns anos, contamos cada vez con persoas que están a revivir a maxia desta improvisación oral en verso, promovéndose diferentes actividades deste tipo onde poden participar persoas de diferentes idades.

Queredes ver como foi esta sesión con Lupe Blanco e Josiño da Teixeira?

Velaquí podedes atopar tamén un vídeo da actividade publicado no blog "A nosa fiestra" que tamén podedes visitar premendo aquí.

ESPAZO DE CASTELAO

Amiguiñas e amiguiños! Xa temos preparado o noso recuncho físico con materiais sobre Castelao porque, como vistes na publicación anterior, o 2025 é o seu ano. Nel contamos con:

💙Unha escolma de libros do autor.

💙Unha frase representativa sobre o que sinte el cara a lingua galega.

💙Un cartel cun código QR que da acceso a un Symbaloo de recursos.

💙Novas sobre a temática.

Pouco a pouco, iremos engadindo outros recursos de interese 😊

2025 - ANO DE CASTELAO

Como sabedes, este 2025 celébrase o Ano de Castelao. Dende o Equipo de Dinamización da Lingua Galega elaboramos este Symbaloo con ligazóns de interese sobre este persoeiro. Nel poderedes atopar información sobre a súa vida e obra, novas de diferentes xornais, materiais da Fundación Castelao, imaxes e incluso actividades interactivas.

Agardamos que vos sexa de utilidade!

UN NADAL EN GALEGO

Benvidas e benvidos a este segundo trimestre!! Agardamos que gozásedes moito destas vacacións e que o galego estivese presente nas cartas que escribistes aos seres máxicos do Nadal 🎄🌟

Como sabedes, o venres 20 de decembro celebramos o festival de Nadal, onde puidemos gozar de diferentes cancións en lingua galega sobre a temática. Velaquí as deixamos:

Por suposto, tamén celebramos a nosa particular festa de fin de ano, dando as badaladas en galego 🍇