AQUÍ PODES ATOPAR RECURSOS DO NADAL EN GALICIA

 Preme na imaxe para dar cunha chea de recursos do Nadal en Galicia. 

NA PROCURA DO XESTAL

 Para rematar as conmemoracións a Carlos Díaz no Ano do Xestal, a Concellería de Normalización Lingüística, Arquivos e Bibliotecas propuxonos asistir a un espectáculo da man do grupo de teatro Galeatro. E alá fomos co alumnado de 3º e 4º de E.P o pasado 27 de novembro!

 "Na procura do Xestal" concibíase deste xeito: Charlie e Charles son detectives con avós galegos que actualmente residen en Inglaterra Xuntos forman a prestixiosa axencia privada de investigación “Chá-Chá...Chá” na que resolven os casos máis inverosímiles. Desta volta chegoulle unha encarga moi importante para eles: investigar sobre quen era realmente o Xestal xa que en Inglaterra quérenlle facer unha gran homenaxe. Despois de analizar, libros, canción e contos varios descobren unha nota de prensa onde aparecen un monte de nenos cantándolle ó Xestal polo que deciden pedir axuda aos nenos e nenas de 3º e 4º para levar a cabo a súa investigación. 

Foi un espectáculo moi divertido do que todos formamos parte. 

OBRADOIRO DE REGUEIFA

 O pasado 17 de novembro o alumnado de 5º e 6º de E.P. tiveron un obradoiro de Regueira da man de Lupe Blanco e Josinho da Teixeira. 

Aquí deixamos unha pequena mostra do que fixemos. 

Foi unha experiencia moi divertida e enriquecedora, queremos máis!!

AQUÍ PODES ATOPAR RECURSOS DO SAMAÍN E DO MAGOSTO

Se premes na imaxe poderás atopar unha chea de recursos do Samaín e do Magosto. 

SAMAÍN

Para celebrar o Samaín no San Luis quixemos contar a que lle temos medo. O alumnado de Educación Infantil falou da súa contorna máis próxima: a casa. Os nenos e nenas do 1º ciclo de primaria fixéronno de Carballo e os do 2º de Galicia. Os máis maiores traballaron seguindo a liña do seu proxecto de ciclo contandonos a que lle tiñan medo nos distintos países que estan estudando: Filipinas, Inglaterra, México...

Ademais, levamos a cabo unha exposición de cabazas feitas por todo o alumnado que metían MOITO MEDO. 

Deixamos unha pequena mostra. 

 

GRAN ESTREA

 O Equipo de Dinamización de Lingua Galega do CEIP Xesús San Luis Romero comeza unha nova andaina. 

Neste espazo poderedes ver todo canto imos facendo para achegar a lingua e a cultura galega un pouco máis á escola. 

Imos comezar cas actividades que fixemos no 1º trimestre. 

¡ESTADE BEN ATENTOS!