Esta semana sería o 98 aniversario de Xosé Neira Vilas, así que consideramos que toca recoller o traballo de Begoña Caamaño e comezar a alimentar a parede con información do noso benquerido Pepiño de Gres, a quen se lle dedicará o Día das Letras Galegas 2027.
Non queremos esquecer como se celebraban estas datas nas aldeas. Se queredes saber máis buscade na páxina 41 do libro Cartas a Lelo (21ª edición) de Xosé Neira Vilas 📖Achegádevos ao capítulo titulado "Pantasmas", onde se relata como a rapazada preparaba unha cabaza neste tempo de outono 🎃 Poñíanlle unha candea 🕯 e colocábana nunha póla dun piñeiro para asustar a quen pasase daquela hora 👻 Por se iso fose pouco, vestíanse cunha saba branca e actuaban pola noite 🌙🌟
Un ano máis, participamos na iniciativa Presume de Xardíns do Concello de Carballo, As cabazas encheron a nosa escola de creatividade, ilusión e tradición! 🎃 Esta celebración tan arraigada na nosa cultura permítenos manter vivas as nosas costumes e transmitirllas ás novas xeracións, ao tempo que colaboramos coas nosas familias.
.png)
Chegou o outono e tamén chegan novas publicacións no blog! 🌰🍂🍄 Benvidas e benvidos a este curso 2026/2027 💛
Comezamos coas lecturas terroríficas do Samagosto!! En colaboración co equipo de biblioteca, seleccionamos lecturas en galego sobre o Samaín.
Que libros seleccionamos? 📖
Se picades na imaxe, podedes ver como se desenvolveu esta actividade:
Tamén se elixiron libros en galego para facer unha exposición temática 🎃👻💀
.jpg)
Ao longo deste curso vivimos momentos inesquecibles cheos de aprendizaxes, esforzo, creatividade e convivencia. Como cada ano, editamos a nosa revista "A Voz do San Luís", onde cada fotografía recolle unha pequena parte das experiencias compartidas no noso colexio, nas excursións, nos proxectos e nas celebracións que nos fixeron medrar tanto a nivel académico como persoal. Estas imaxes son un recordo dos retos superados, das amizades fortalecidas e de todos os instantes que converteron este ano nunha etapa especial que gardaremos con agarimo na memoria 💖
Como sabedes, chega unha das festas grandes de Carballo, a celebración do San Xoán🔥 Por este motivo, as nenas e nenos de Educación Infantil e Educación Primaria participaron nunha actividade para coñecer e vivir unha tradición galega como é a recollida de herbas de San Xoán 🌱🌿🌺🌾🌷e a preparación da auga para lavar a cara 💦💦
Así, tiveron a oportunidade de coñecer as plantas máis representativas desta época, explorando as súas cores, aromas e características. Despois da recollida, preparamos a auga de San Xoán para lavar a cara. Achegamos así ao alumnado ás nosas raíces, costumes e tradicións, fomentando o respecto polo patrimonio cultural, o contacto coa natureza e a aprendizaxe a través da participación activa e da experimentación.
.png)
O alumnado de 5.º de Educación
Infantil estivo traballando, ao longo deste curso, no proxecto “Paseando por
Galicia”, unha viaxe de aprendizaxe pola nosa terra na que descubriron a
riqueza cultural, histórica e paisaxística que nos rodea.
Comezamos coñecendo a nosa
contorna máis próxima, Carballo, investigando os seus lugares máis
representativos e valorando o patrimonio que temos ao noso arredor. A partir
desta primeira parada, continuamos a nosa viaxe por Galicia visitando e
coñecendo as provincias de A Coruña, Lugo, Ourense e Pontevedra, achegándonos
aos seus monumentos, tradicións, espazos naturais e elementos máis destacados.
Como peche deste proxecto, o
alumnado elaborou un vídeo final no que recollen todo o aprendido e onde nos
amosan os lugares que descubriron durante este “paseo” por Galicia.
Foi unha experiencia moi enriquecedora na que aprenderon, investigaron e traballaron en equipo, ao mesmo tempo que reforzaron o coñecemento e o orgullo pola nosa terra 💚
Esta semana sería o 98 aniversario de Xosé Neira Vilas , así que consideramos que toca recoller o traballo de Begoña Caamaño e comezar a ali...
