Este martes 13 de xaneiro, as nenas e nenos de 5.° e 6.° de Educación Primaria, tiveron a sorte de gozar dun obradoiro do Enreguéifate impulsado polo Servizo de Normalización Lingüística do Concello de Carballo. Foi impartido por Lupe Blanco e Josinho da Teixeira.
Deixámosvos un vídeo onde se recolle como a improvisación oral é común a todos os pobos do mundo 🌍
Este Nadal convidamos ás diferentes aulas do noso colexio a escribir postais en galego🎅 Dirixímolas a diferentes asociacións e entidades da nosa contorna e nelas desexámoslles un BO NADAL e un FELIZ 2026 cheo de momentos máxicos para compartir🎄
Como recompensa ao traballo e esforzo das nenas e nenos en crear as súas apócemas, gozamos dun obradoiro de luz negra de Samaín. Alí podiamos atopar tres propostas:
👻Crea o teu castelo encantado con Connetix.
👻Escribe unha palabra terrorífica en galego sobre siluetas de Samaín.
👻Fai un mural de medo.
Se queredes ver que xornada tan divertida pasamos, iniciade este vídeo 👽
Chegou o día!! Velaquí está o libro que creamos entre todos os nenos e nenas do noso colexio con apócemas de Samaín, para o que traballamos con vocabulario sobre a temática en lingua galega.
Agardamos que vos sexan útiles para cumprir os vosos arrepiantes desexos👺💀🎃📖 Lembrade que, logo de botar todos os ingredientes no pote, é moi importante remexer ben. Consello de bruxas e ogros!
Dende o EDLG, outorgamos ao noso alumnado unha misión moi importante para este Samaín: converterse en bruxas e arrepiantes ogros. Para que? Para elaborar apócemas segredas coas que, cun só grolo, acontezan cousas máxicas neste outubro🎃👺
Cada neno/a ou por grupos, escribiu a súa apócema neste pote, traballando así vocabulario propio desta época do ano:
Queredes ver o resultado? Pois teredes que agardar uns días. Polo momento, estamos a botar nel todos os ingredientes necesarios e remexendo para que logren provocar os feitizos.
Como recompensa ás bruxas e ogros do noso colexio, preparamos unha sesión de luz negra para este mércores 29 💀👻Xa vos amosaremos como foi a experiencia!
.png)
A primeira conmemoración deste curso é o Samagosto, o Samaín e o Magosto 🎃🌰 Imos recuperar un Symbaloo de recursos creado o curso pasado e que fomos ampliando, para que poidades botar man del dende as aulas.
Que ides atopar?
🍐En verde, xogos interactivos
🍇En morado, materiais imprimibles
🎃En laranxa, contos e cancións
🌰En marrón, receitas de Samaín
Fai clic nesta imaxe para acceder a el:
Comezamos un novo curso neste blog, unha xaneliña na que vos amosaremos as actividades organizadas polo Equipo de Dinamización da Lingua Galega ou calquera outra na que participemos, recursos en lingua galega, novas interesantes...
Acompañádesnos? 💙
Este martes 13 de xaneiro, as nenas e nenos de 5.° e 6.° de Educación Primaria, tiveron a sorte de gozar dun obradoiro do Enreguéifate impu...
