CANCIÓN A ROSALÍA

Hoxe, 23 de febreiro, rendemos homenaxe a Rosalía de Castro, unha das figuras máis importantes da nosa literatura e da nosa identidade como pobo. Co motivo da súa conmemoración, creamos estas cancións cheas de ilusión, respecto e agarimo.

A través da música lembramos a súa voz valente, os seus versos cheos de sentimento e o amor profundo que sentía por Galicia porque Rosalía non é só pasado, segue viva nas nosas palabras, na nosa lingua e no corazón de cada xeración 💙

Como sabedes, cada curso tiña unhas palabras para crear unha estrofa.

A partir delas e empregando a app Suno de intelixencia artificial, creamos as cancións. Agardamos que vos gusten tanto como a nós nos gustou crealas 🎵🎶

Estade atentos e atentas á megafonía do colexio, pois será a banda sonora das nosas entradas ao longo desta semana ♫♩

CON AGARIMO, EN GALEGO

O 14 de febreiro foi o Día de San Valentín e celebramos que o amor está en todas as partes: no agarimo, na amizade, na familia, na natureza e en cada pequeno xesto que nos conecta co mundo 💖

Baixo o lema "con agarimo, en galego" entregamos a cada membro da comunidade educativa unha chapa cunha frase ou refrán en lingua galega pois, como ben dicía Castelao, "se aínda somos galegos é por obra e gracia do idioma".

EXPOSICIÓN DE ENTROIDO

Ao longo da semana pasada, as nenas e nenos estiveron traballando arreo sobre o Entroido polo que, a exposición temática da entrada do colexio, foise ampliando coas súas aportacións.

Que puidemos ver nela?

🎭Mandadiños do meco ao longo da semana do 9 ao 13 de febreiro.

🎭Carteis informativos sobre o Entroido galego e que foron elaborados no noso centro o curso pasado.

🎭Traballos das nenas e nenos sobre o Entroido galego.

🎭Photocall en forma de antiface para crear recordos inesquecibles.

🎭Cartel coa definición da palabra Entroido segundo a Real Academia Galega.

🎭Xogo con miniaturas de disfraces galegos para relacionalas coas tarxetas que contiñan o seu nome. Este é un material creado pola Deputación de Ourense en colaboración con La Voz de Galicia.

QUE É E QUE NON É PARA NÓS A PAZ?

O 30 de xaneiro conmemorouse o Día Escolar da Non Violencia e a Paz. Dende o Equipo de Actividades Complementarias e Extraescolares, elaboraron este fermoso vídeo onde as nenas e nenos de todo o cole explicaron, en lingua galega, que é e que non é a paz. 

Facede clic na imaxe e gozade moito da súa visualización ☮🐦

COMEZAN OS MANDADIÑOS

Hoxe xa loce de Entroido a entrada do colexio!! 🎭 A nosa meca xa está preparada para deleitarnos cos seus mandadiños a partir do luns! Que comece a festa!

Ademais, podedes gozar dunha exposición de carteis sobre disfraces típicos de Galicia. Gozar de calquera deles é un moi bo plan para estas datas.

MANDADIÑOS DE ENTROIDO

Tic, tac, tic, tac ⏰

Chega o tempo de Entroido e, como cada ano, seguiremos os Mandadiños do Meco 🎭 A partir deste venres, estaremos moi atentos e atentas ao que nos mande traer a próxima semana!!

SYMBALOO DE ENTROIDO

Chega o tempo de Entroido 🎭 e queremos compartir con vós un Symbaloo de recursos atopados na rede. Clasificámolos do seguinte xeito:

💚En verde os xogos interactivos.

💗En rosa as cancións.

💛En amarelo, documentos informativos sobre o Entroido galego.

💙En azul, materiais descargables.

Agardamos que vos sexan de utilidade! Facede clic na seguinte imaxe para acceder a eles:

QUE ESTAMOS ARGALLANDO PARA O DÍA DE ROSALÍA?

Este curso, para conmemorar o Día de Rosalía e aproveitando que a temática do Salón do Libro 2026 é a música, estamos preparando unha canción sobre a súa vida e obra🎵

Polo momento, repartimos polas aulas palabras significativas sobre diferentes momentos da súa vida. Para gozar da canción creada, teredes que agardar ata o luns 23 de febreiro. Publicarémola aquí no blog e tamén a poderedes escoitar na megafonía do colexio! 🎶

RECURSOS SOBRE ROSALÍA

Bo día a todos e a todas! Como sabedes, o 23 de febreiro celébrase o Día de Rosalía de Castro. Deixámosvos aquí dous materiais que elaboramos o curso pasado sobre a autora:

PRESENTACIÓN SOBRE A VIDA E A OBRA DE ROSALÍA

DOCU-SERIE "UNHA VIAXE POLA VIDA DE ROSALÍA"

ENREGUÉIFATE. Obradoiro de improvisación oral

Este martes 13 de xaneiro, as nenas e nenos de 5.° e 6.° de Educación Primaria, tiveron a sorte de gozar dun obradoiro do Enreguéifate impulsado polo Servizo de Normalización Lingüística do Concello de Carballo. Foi impartido por Lupe Blanco e Josinho da Teixeira.

Deixámosvos un vídeo onde se recolle como a improvisación oral é común a todos os pobos do mundo 🌍